“İrandan Ermənistana gedən yük maşınlarının saxlanılması heç bir məntiqə sığmır. Tezliklə Azərbaycan tərəfindən bağlanan yola alternativ yol çəkilməlidir”.
Alp.az xəbər verir ki , bunu İranın Ermənistandakı səfiri Abbas Bədəxşan Zühuri jurnalistlərə verdiyi açıqlamada deyib.
“Azərbaycanın İran maşınlarını saxlaması qanunsuzdur” -deyə səfir jurnalistlərə bildirib.
O, Gorus-Qafan yolunda Azərbaycan polisinin və gömrük işçilərinin İrandan Ermənistana gedən yük maşınlarını saxlayaraq gömrük rüsumu kimi pul almasına qanuna zidd adlandırıb.
Səfirliyin bu problemi ən qısa vaxtda həll etmək üçün səy göstərdiyini qeyd edib.
Zühuri daha sonra iddia edib ki, 44 günlük müharibədən sonra Azərbaycanla Ermənistan arasında əldə edilmiş razılaşmaya əsasən, Ermənistanın Gorus yolunun Azərbaycan ərazisindən keçən iki hissəsi alternativ yol tikilənə qədər nəqliyyat vasitələrinin hərəkətinə açıq olmalı idi.
Hər zaman qatı anti-Azərbaycan, amma ermənipərəst mövqeyi ilə fərqlənən səfir Abbas Bədəxşan Zühuri Azərbaycanın qanuni olaraq İran yük maşınlarından gömrük rüsumu almasından da şikayətlənib.
