İran Ticarət Palatasının Enerji Komissiyasının sədri Azərbaycan və Türkmənistan arasındakı svop qaz razılaşması üzrə İranın ümumi qazın 5%-ni əldə edəcəyini deyib.
Alp.az xəbər verir ki, Həmidrza Salehi noyabrın 30-da bildirib ki, İran Türkmənistandan Azərbaycana gedən illik 2 milyard kubmetr qazdan 100 milyon kubmetr əldə edəcək.
Xatırladaq ki, noyabrın 27-də imzalanan müqaviləyə əsasən, svop qaz müqaviləsi Türkmənistandan qazın İran ərazisindən keçərək Azərbaycana çatdırılmasını nəzərdə tutur.
Qeyd edək ki, İranın bölgədə özəlliklə Azərbaycana qarşı ikibaşlı davranışı, “biz müsəlman və qardaş ölkələrik” iddiasının arxasında Ermənistanla Azərbaycana qarşı addımlar atmasının əksinə olaraq, Azərbaycan Prezidenti İlham Əliyev svop qaz anlaşması çərçivəsində İranı da bu razılaşmaya daxil edib və bu ölkənin də faydalanmasına zəmin yaradıb.
