Torpaqlarımızın 30 ilə yaxın bir dövrdə işğal altında qalmasının bir səbəbi varsa, o da Minsk Qrupunun öz işini layiqincə yerinə yetirməməsi idi. Bu qurumun başlıca məqsədi münaqişənin nizamlanmasının əksinə olaraq onun dondurulması idi. Məhz aparılan danışıqların bir əhəmiyyət kəsb etməməsidə bundan qaynaqlanır, aparılan münaqişənin isə uzun müddət ərzində həll olunmaması üçün yalnız pərdə idi. Bu gün Azərbaycan münaqişəni BMT Nizamnaməsinin 51-ci maddəsinə əsasən özü həll etmişdir. Ermənistanın Azərbaycan sərhədində Azərbaycana qarşı apardığı terror əməliyyatı İkinci Qarabağ müharibəsinin başlama səbəbi oldu. Rəşadətli Azərbaycan ordusu öz gücünü göstərərək bütün dünya dövlətlərinə Azərbaycanın gücünü göstərdi. Ermənistan isə müharibənin bitməsinə baxmayaraq hələdə mina və snayper terroru davam etməkdədir. Məhz 250-dən çox Azərbaycan vətəndaşı müharibə bitdikdən sonra Ermənistanın basdırdığı minaların partlaması nəticəsində canlarından olub və bəziləri ağır xəsarətlər almışdır. Piyada əleyhinə 1400 mina aşkarlanmışdır ki, bunlar 2021-ci ildə Laçın rayonu ilə sərhəd ərazidə basdırılıb.
Azərbaycanın niyyəti heç zaman Ermənistanı işğal etmək olmamışdır. Ermənistanın əksinə olaraq nə bir şəhər, nə də bir kənd işğal olunmayıb.
Oktyabrın 6-da təşkil olunan “Avropa siyasi birliyi”nin yeni platforması çərçivəsində keçirilən 4 tərəfli görüşdə Ermənistan- Azərbaycan sərhədi yaxınlığında Ermənistan ərazisinə Avropa ittifaqından 40 nəfərdən mülki missiyasının göndərilməsi barədə qərar qəbul olundu. Sonradan bizə məlum oldu ki, onların sayı 50 nəfər olacaq.
Azərbaycan dördtərəfli görüşün, o cümlədən Fransa Prezidentinin iştirakı ilə keçirilməsinə razılıq verməsinə baxmayaraq, Fransanın Azərbaycan və Ermənistan arasında münasibətlərə heç bir aidiyyəti yoxdur. ATƏT-in Minsk Qrupunun həmsədri kimi Fransanın vasitəçilik missiyası var idi, lakin Qarabağ münaqişəsi nizamlandığına görə Minsk Qrupunun xidmətinə heç bir ehtiyac yoxdur.
Praqada keçirilən görüşdə Azərbaycanın Fransaya göstərdiyi xoş münasibətə baxmayaraq, Fransa ictimaiyyəti çaşdırmaq məqsədi ilə təxribat xarakterli çıxış edərək Azərbaycanın dəhşətli müharibə törətdiyini bildirib. Azərbaycan istər siyasi arenada, istərsə də döyüş meydanında öz gücünü göstərmiş və sübuta yetirmişdir. Düzgün strategiya, yürüdülmüş doğru siyasət və güclü ordu hesabına ərazi bütövlüyümüz bərpa olunmuşdur.
Azərbaycanın Paris səfirliyinə, Livandakı və ABŞ-dakı səfirliklərinə təxribat xarakterli basqınlar edilmişdir.
Azad olunan ərazilərdə salamat binanın qalmaması, 67 məscidin 65-nin dağdılması, müqəddəs məkanlarımıza qarşı edilən təhqirəramiz davranışlar Erməni vandalizminin bariz nümunəsi və Azərbaycan xalqına, nəyin ki, tək bizə bütün müsəlman dünyasına qarşı ifrat, həddi-hesabı görülməyəcək dərəcədə nifrətin xəbərçisidir.
2020-ci ilin noyabrında qəbul olunmuş üçtərəfli Bəyanatın bütün müddəalarını yerinə yetirir və Ermənistandan Qarabağa maneəsiz girişi təmin edir. Lakin Ermənistan isə özünə aid olan müddəaları yerinə yetirmir. Bizim hazırda Azərbaycanın əsas hissəsindən Naxçıvan Muxtar Respublikasına maneəsiz giriş təmin etmir, indiyədək isə silahlı qüvvələrin ərazidən çıxarmır. Məhz bu müddəaların yerinə yetirilməməsi davam edərsə Azərbaycan adekvat tədbir görməkdən seçim qalmayacaq.
İsmayılova Aygün/ Nəsimi rayon təhsil işçisi
