İndoneziya Rusiya qırıcı təyyarələrini almaqdan imtina edib. Alp.az xəbər verir ki, bu barədə mətbuata açıqlamasında İndoneziya Hərbi Hava Qüvvələrinin Baş Qərargahının rəisi, Hava Baş Marşalı Fajar Prasetho bildirib.
Hava Marşalı bildirib ki, Rusiya istehsalı olan qırıcılar ümidləri doğrultmayıb:”Rusiya Su-35-lərini almaq planlarından imtina etdik. Səbəb o idi ki, bu qırıcılar digər müasir qırıcılardan geri qalır. Testlərdən uğurla çıxan Boeing F-15EX Eagle II və Dassault Rafale almaq niyyətindəyik”.
Bu açıqlamadan dərhal sonra Rusiyanın Cakartadakı səfiri qeyd edib ki, Rusiya tərəfinə Su-35-dən imtina ilə bağlı rəsmi mesajlar daxil olmayıb.
