Müasir Müsavat Partiyasının sədri Hafiz Hacıyevin uzun müddətdən bəri siyasi arenada görünməməsi sosial şəbəkədə partiya sədrinin ölümü ilə bağlı şayiələrin yayılmasına səbəb olub. Alp.az xəbər verir ki, sosial şəbəkələrdə partiya sədrinin koronavirusdan rəhmətə getdiyi xəbəri yayılıb.
Müasir Müsavat Partiyası sədrinin müavini Könül İsmayılovanın sözlərinə görə, Hacıyev səhhəti ilə əlaqədar xarici ölkələrdən birinə üz tutub. Hazırda onun həkim nəzarətində olduğu bildirilir.
Səhhəti ilə maraqlanmaq üçün siyasətçi ilə əlaqə saxlamağa çalışsaq da, telefonuna zəng çatmadı.
