Gürcüstan hökuməti 2022-ci il üçün müdafiə büdcəsinin formalaşdırılmasına maliyyə çətinliyi ilə qarşılaşıb.
Alp Xəbər-in məlumatına görə, Gürcüstan parlamentinin plenar iclasında maliyyə naziri Laşa Xuçişvili ölkənin 2022-ci il üçün müdafiə büdcəsinin 12,9 milyon dollar arta biləcəyini söyləyib. Bu isə 323 milyon dollar deməkdir. Müdafiə sahəsində tələb olunan ümumi layihələrin məbləği isə 419 milyon dollardır.
Gürcüstan parlamentinin müdafiə və təhlükəsizlik komitəsinin sədr müavini Vladimir Çaçibaya isə bildirib ki, maliyə resurslarının az olması layihələrin icrasında problem yaradacaq. Yəni bu büdcə olduqca azdır. Bu baxımdan yaranmış kəsirin təmin olunmasına ehtiyac var.
İclasda qeyd olunub ki, Gürcüstan hökuməti 96 milyon dolların əldə olunaraq, müdafiə büdcəsinə yönəldilməsinin təmin edilməsinə zərurət var.
