Füzuli rayonunun Qayıdış-1 qəsəbəsi ərazisində yol qəzası baş verib.
DİN Mətbuat xidmətindən Alp.az-a verilən məlumata görə, iyunun 18-də saat 9 radələrində Füzuli rayonunun Qayıdış-1 qəsəbəsi ərazisində Böyük Bəhmənli kənd sakini Asim Hüseynovun idarə etdiyi “QAZel”, Beyləqan rayon sakinləri – C. Camalovun idarə etdiyi “VAZ-21154” və V. Süleymanovun idarə etdiyi “Mercedes” markalı avtomobillər toqquşub.
Nəticədə A. Hüseynov və sərnişini Səxavət Səfixanov hadisə yerində ölüb, digər sürücülər və 4 sərnişin isə xəsarətlərlə xəstəxanaya yerləşdirilib.
Faktla bağlı Füzuli RPŞ tərəfindən araşdırma aparılır.
