12-13 sentyabr tarixlərində Ermənistanın Azərbaycanla sərhəddə həyata keçridiyi irimiqyaslı təxribat Silahlı Qüvvələrimiz tərəfindən uğurla dəf edildi, düşmənə ağır zərbələr vuruldu. Bəs beynəlxalq təşkilatlar, dünyanın qabaqcıl dövlətləri məlum olaylara adekvat münasibət ortaya qoydumu?
Moderator.az-a açıqlama verən millət vəkili Elman Məmmədov məsələ ilə bağlı maraqlı fikirlər səsləndirib:
“Dövlət başçısı hələ 44 günlük Vətən müahribəsində Paşinyana xitabən demişdi ki, telefonla dünya ldierlərinə zəng edir, onlara yalvarıb-yaxarır, insanların zəhləsini tökürsən. Bu dəfə də özləri təxribata başladılar, Azərbaycan tərəfindən layiqli cavab aldıqdan sonra, yenə telefonu əlinə götürüb dünya liderlərinə zəng etməyə başladılar. Rusiya, Fransa, ABŞ, beynəlxalq təşkilatlar – gümanları gələn hər yerə zəng edərək yalvardılar.
Ermənistanın 12-13 sentyabr təxribatları ilə bağlı beynəlxalq təşkilatlar tərəfindən çağırışlar oldu. Bu təşkilatlar, eləcə də bəzi dünya dövlətləri hər iki tərəfi atəşkəsə səslədi. Lakin burada bir amil – ən vacib amil qeyd olunmadı ki, təxribatı aşlayan Ermənistandır. Təxribatı başlayanla təxribatın qarşısını alan dövlətə eyni çağırış ünvanlamaq, onların ikisinə də eyni yanaşma ortaya qoymaq təbii ki, ədalətsizdir.
Biz dünya dövlətlərini, beynəlxalq təşkilatları ədalətli olmağa, baş verən hadisələr ədalətli münasibət ortaya qoymağa səsləyirik. Dünya erməni təxribatlarını görməli, təxribatçıya öz etirazını bildirməli, yeni təxribatların baş verməməsi üçün ona təzyiq göstərməlidir”.
