“2022-ci ilin ikirəqəmli iqtisadi artımı gözlənilməz və təsiredicidir ki, bu da rusların gəlişi və böyük məbləğdə pul axını ilə bağlıdır”.
Alp.az xəbər verir ki, bu barədə Daşnaksütun təşkilatının iqtisadi araşdırmalar ofisinin məsul şəxsi, erməni iqtisadçı Suren Parsyan öz məqaləsində yazıb.
Onun sözlərinə görə, qeyd etmək lazımdır ki, bu il iqtisadi artım əsasən xidmət və ticarət sektorları tərəfindən təmin edilib, bu da istehlak həcmlərinin artımına təkan verib.
Parsyan qeyd edib ki, Ermənistanın ərzaq istehsalı sektoru böhran içindədir.
“Maraqlıdır ki, rusiyalı turistlərin olması və istehlak həcmlərinin artması Ermənistanın qida istehsal edən müəssisələrinin fəaliyyətinin aktivləşməsinə kömək etməyib. Xüsusilə 2022-ci ilin yanvar-avqust aylarında ötən ilin müvafiq dövrü ilə müqayisədə
1. ət istehsalının həcmi 5,3 faiz azalıb,
2. kolbasa istehsalının həcmi 5,4 faiz azalıb,
3. ət yarımfabrikatlarının istehsalının həcmi 42,1 faiz azalıb,
4. emal olunmuş yağların istehsalının həcmi 35,5 faiz azalıb,
5. kəsmik istehsalının həcmi 3,9 faiz azalıb,
6. süd və qatıq istehsalının həcmi 4,6 faiz azalıb,
7. xama istehsalının həcmi 16,1 faiz azalıb,
8. dondurma və yeməli buz istehsalının həcmi 35,9 faiz azalıb,
9. təzə çörək istehsalının həcmi 0,4 faiz azalıb,
10. tort və qənnadı məmulatlarının istehsalının həcmi 39,6 faiz azalıb,
11. şirniyyat və qənnadı məmulatlarının istehsalının həcmi 39,6 faiz azalıb,
12. xörək duzunun istehsalının həcmi 40,2 faiz azalıb,
13. üzüm şərabı istehsalı 12,6 faiz azalıb,
14. mineral və qazlı suların istehsalının həcmi 15,6 azalıb,
15. qazsız, təbii su istehsalının həcmi 3,6 faiz azalıb.
Əgər belə vəziyyət uzun müddət davam edərsə, Ermənistan iqtisadiyyatının vizit kartına çevrilmiş sahəni – ərzaq istehsalını itirəcək”, – deyə Parsyan bildirib.Ordu.az
