Bir müddət əvvəl Ermənistanın Hindistandan hərbi təyinatlı vasitələrin satınalınmasına dair müqavilə imzaladığı haqda məlumat yayılıb.
Alp.az-ın məlumatına görə, bu məhsullardan biri də “Archer” pilotsuz uçuş aparatıdır (PUA).
Silahlı PUA sinifinə daxil olan “Archer” yaxın məsafədə fəaliyyət üçün nəzərdə tutulub.
Texniki şərtlərinə görə, öz sinifində olan PUA-lardan çox da geri qalmayan “Archer”in uçuş məsafəsi 220 km, havada qalma vaxtı isə 12 saatdır. PUA “hava-yer” raketi ilə silahlandırılıb. Üzərində 2 raket daşıya biləcək PUA-nın silah arsenalının texniki xüsusiyyətləri haqqında isə açıq məlumat yoxdur.
“Hindustan Aeronautics Limited”in istehsalı olan “Archer” silahlı PUA-sının sınaqları 2021-ci ildə yekunlaşıb. Seriyalı ilk istehsalda 100 ədəd “Archer”in satışa çıxarılacağı nəzərədə tutulub.
