image-ads_2000x150
image-55555backend

Ermənistan yenə Azərbaycandan asılı vəziyyətə düşdü- FOTO

image-ads_728x90

Gorus-Qafan yolunun Azərbaycanın suveren ərazisinə düşən 21 kilometrlik ərazisində gömrük-keçid məntəqəsi qurulduqdan sonra Ermənistan tərəfinin çəkməyə başladığı alternativ yolda işlər dayanıb.

Alp.az xəbər verir ki, Ermənistan mediası alternativ yolda artıq bir neçə aydır heç bir işin getmədiyini yazır.

“Hraparak” nəşri mənbələrinə istinadən yazır ki, alternativ yolun beynəlxalq standartlara cavab verməməsi bu marşrutun sıradan çıxmasına zərurət yaradır.

“Yolda sürüşmələrin tez-tez olması da buradan keçidi çətinləşdirir. Məlumatlara görə, Azərbaycan və Ermənistan arasında Eyvazlı yolundan istifadə edilməsi üzərində razılaşma var. Azərbaycan tərəfi bu yolun beynəlxalq standartlara uyğun qurulacağını bildirib. Lakin yolda gömrük-keçid məntəqəsi fəaliyyətini davam etdirəcək və həm sərnişin, həm də yük daşımalarından Azərbaycan gömrüyündən istifadə olunacaq”, – nəşr yazır.

Eyvazlı yoluna çəkilən alternativ marşrutun isə bir müddət sonra istifadəsi dayandırılacaq.

Qeyd edək ki, Ermənistanın çəkdiyi alternativ yolun əlverişsiz olması İrandan yük daşımalarının da Gorus-Qafan yolunun Azərbaycan ərazisinə düşən hissəsindən aparılmasını zəruri edir. Bununla yanaşı, ermənilərin yaşadığı 9 kəndin əhalisi də bu yoldan istifadə etməyə məcburdur, əks təqdirdə daha əlverişsiz və uzaq məsafə olan alternativ yoldan keçməli olacaqlar.

image-999

image-ads_728x90

  • whatsapp
  • messenger
  • telegram
  • vkontakte
  • odnoklassniki