image-ads_2000x150
image-22backend

Ermənistan qarışıb: Azərbaycan Qarabağda antiterror əməliyyatına başlayır?

image-ads_728x90

“Antiterror əməliyyatı ehtiyat variant kimi hər zaman aktualdır, amma indi siyasi tənzimlənmə ilə bağlı müəyyən kövrək addımlar atılır və onun nəticələrini gözləmək lazımdır”.

Bu sözləri Yenisabah.az-a açqılamasında Milli Məclisin deputatı Elman Nəsirov deyib.

O, Ermənistanda hazırkı xaos vəziyyətindən istifadə edərək Azərbaycanın Qarabağda antiterror əməliyyatları keçirməsi ilə bağlı ehtimallara münasibət bildirib:

“İndi Ermənistan-Azərbaycan münasibətlərinin normallaşdırılması prosesi ilə bağlı addımlar atılır. Bununla bağlı artıq 6 aprel 2022 tarixli Brüssel razılaşmasının tələblərinə uyğun olaraq birgə sərhədyanı komissiyalar yaradılıb. Eyni zamanda, Ermənistan tərəfi Azərbaycanın irəli sürdüyü 5 baza prinsiplərini qəbul edib və həmin prinsiplər əsasında sülh müqaviləsi imzalanacaq. Amma Ermənistan 5 baza prinsipinin qarşılığında özünün 6 şərtini irəli sürüb”.

E. Nəsirov qeyd edib ki, İrəvanın 6 şərtində Azərbaycana qarşı heç bir ərazi iddiasının olmayacağı əksini tapıb:

“Yəni sülh müqaviləsinin imzalanması üçün kövrək də olsa, addımlar atılır. İndi gözləməliyik ki, siyasi tənzimlənmə prosesi getsin və bu istiqamətdə addımlar atılır. Odur ki, antiterror əməliyyatları siyasi tənzimlənmə imkanları tükəndikdə baş verə bilər”.

Deputat əlavə edib:

“KTMT-in yaranmasının 20 illiyi ilə bağlı keçirilən tədbirdə Nikol Paşinyan həmin qurumu tənqid etdi, dedi ki, 44 günlük müharibənin gedişatında onlar Ermənistana lazımi dəstəyi göstərməyib və Azərbaycana silah satıblar. Amma sonda Paşinyan etiraf etməli oldu ki, 10 noyabr 2020, 11 yanvar və 26 noyabr 2021, eləcə də 6 aprel 2022 razılaşmaları həyata keçirilməlidir və Ermənistan da buna razılıq verib.

Odur ki, antiterror əməliyyatı bir ehtiyat variant kimi hər zaman aktualdır, amma hər halda indi siyasi tənzimlənmə ilə bağlı müəyyən kövrək addımlar atılır və onun nəticələrini gözləmək lazımdır”.

image-ads_728x90

  • whatsapp
  • messenger
  • telegram
  • vkontakte
  • odnoklassniki