image-ads_2000x150
image-6666backend

Erməninin qorxulu röyası, Rembo ləqəbli qəhrəman mayor şəhid Şıxamir Qaflanov…

image-ads_728x90

O,öz qəhrəmanlığı ilə dastan yazdı. 44 günlük Vətən Müharibəsində ermənilərin qorxulu röyasına çevrildi.

Söhbət bu gün doğum günü olan Daxili İşlər  Nazirliyinin Daxili Qoşunlarının zabiti, XTD-nin komandiri, mayor Şıxamir Qaflanovdan gedir.

1986-cı il dekabrın 7-də Zaqatala rayonunun Üçüncü Tala kəndində anadan olan Şixamir evin sonbeşiyi idi. O, orta təhsilini kənd məktəbində alıb.

Şıxamir Qaflanov Füzuli rayonu istiqamətində gedən döyüşlər zamanı qəhrəmancasına şəhid olub. Rembo ləqəbi ilə tanınan komandir Vətrən müharibəsi boyunca düşmənə köks ötdürüb.

Ermənilərin qorxulu röyası, döyüş yoldaşlarının əfsanəvi Rembo adlandırdıqları şəhidimiz mayor Şıxamir Qaflanovun şərəfli ömür yolu hələ uzun illər dillərə dastan olacaq. Şıxamir Qaflanov rəhbəri olduğu Xüsusi Təyinatlı Dəstə ilə Cəbrayılın, Hadrutun, Füzulinin, Zəngilanın, Qubadlının və Xocavəndin azadlığı uğrunda gedən döyüşlərdə savaşıb. Bir çox döyüşlərdə Ermənistan Ordusunun mühasirəsində olan Azərbaycan Silahlı Qüvvələrinin hərbçilərini xilas edib, düşmənin canlı qüvvəsini məhv edib. Məhz bu şücaətlərinə görə, xüsusi təyinatlılar arasında Əfsanəvi Rembo ləqəbini qazanan mayor son anadək dəstəsini qoruyub. Xocavənd döyüşləri zamanı isə özü şəhadətə yüksəlib.

Zaqatala rayonu Üçüncü Tala kəndində dünyaya göz açan Şıxamir Vətən torpaqlarını düşməndən azad etmək üçün hərb sahəsini seçib. Həqiqi hərbi xidmətini başa vurduqdan sonra müddətdən artıq hərbi xidmət keçərək Daxili Qoşunların nəzdində fəaliyyət göstərən hərbi məktəbi, ardınca isə dünyanın ən ağır kurslarından sayılan Türkiyənin Jandarma Qüvvələrinin komando ixtisas, sularda axtarış, xilasetmə və dağ xizəyi kurslarını bitirib.

Ailəli olan şəhidin dörd ay öncə Mədinə adlı qızı dünyaya gəlib. Adını elə özünün verdiyi Mədinəni isə cəmi bir neçə gün görə bilib. Körpəsi dünyaya gəldikdən beş gün sonra xidmətə geri qayıdıb, Vətən müharibəsi başlayanda isə tərəddüd etmədən ilk gündən döyüşə atılıb. Təmkini, soyuqqanlılığı ilə yanaşı, hərbi bacarığı ilə seçilən Şıxamirin ailəsində vətənpərvərlik duyğusu həmişə yüksək olub.

Ailənin böyük oğlu da birinci Qarabağ müharibəsinin qazisidir. 34 yaşında şəhadətə yüksələn şəhidimizin doğum günündə ailəsi məzarını ziyarət edib… Qeyd edək ki, işğal olunmuş ərazilərin azad olunması zamanı göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Prezident İlham Əliyevin sərəncamı ilə Şıxamir Qaflanova “Vətən Müharibəsi Qəhrəmanı” adı verilib.

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki