Ötən gün erməni ordusunun Ermənistan-Azərbaycan sərhədinin şərq istiqamətində həyata keçirdiyi təxribatın necə baş verdiyini detalları məlum olub. Alp.az xəbər verir ki, erməni hərbi ekspert Hayk Nahapetyan erməni ordusundakı özbaşnalığı diqqət çəkərək sensasion faktlar açıqlayıb.
“Bizim bəzi hərbçilərimiz təxribata əl atır. Ən dəhşətlisi isə onların təxribatının qurbanı 20 yaşlı təcrübəsiz əsgərlərimiz olur. Əldə etdiyim məlumata görə dünənki təxribatı erməni zabiti törədib. Həmin zabit Azərbaycan mövqelərini atəş açmaq, təxribat törətmək əmrini verib və özü postu tərk edib. Azərbaycanla zarafat edən əsgərlərimiz isə bir anda göyə uçurulublar. 20 yaşlı bu təcrübəsiz uşaqların günahı nədir. Hər 3 erməni hərbçinin 20 yaşı var və onlar orduya yeni gəliblər. Hər üçü də ali təhsilli gənclərdir. Artur Artyom Mxitaryan, Rudik Rafik Qaribyan və Vahan Vaçaqan Babayan həlak oldu.Bu Suren Papikyanın orduya layiq nazir olmadığını bir daha göstərir”. -deyə Hayk Nahapetyan bildirib.
