Yanvarın 28-də erməni ordusu yaranmasının 30 illiyini qeyd etdi. Alp.az xəbər verir ki, erməni ordusunu rəsmilərdən demək olar ki, heç kim təbrik etməyib. Erməni ordusunun yubileyi tədbiri belə keçirilməyib. Erməni siyasətçi Edqar Qazaryan erməni ordusunu dünyanın ən məzlum ordusu adlandırıb.
“44 günlük müharibədə ordunu tamamilə darmadağın etdilər. Ordu deyilən bir məfum qalmadı. İndi orduya rəhbərlik edən Suren Papikyan ordunun tamamilə yox olmasını həyata keçirdir. 30 illik yubileyi kimlər təbrik etdi.
Təbrik edənlərin siyahısına baxanda anlamaq olur ki, Nikol Paşinyan hökumətinə ordu lazım deyil. Ermənistan hakimiyyətinin Ordunu alçaltmaq, ordumuzdakı rolunu və əhəmiyyətini ləkələməmək üçün hansı cinayətkar davranışa əl atdığını göstərir.
– Prezident Armen Sarkisyan Ordunun 30 illiyinə bir neçə gün qalmış ölkədən qaçaraq istefa verdiyini açıqladı.
– Baş nazir Nikol Paşinyan xəstə olduğunu elan etdi, heç bir tədbirdə iştirak etmədi, ordunu rəsmi təbrik etmədi.
– Ermənistanın müdafiə naziri Suren Papikyan ordunu təbrik etmədi.
– ER Silahlı Qüvvələrinin Baş Qərargah rəisi Ordunun 30 illiyi ilə bağlı təbrik ünvanlamadı.
– Ermənistanın baş nazirinə tabe olan üç qurumun rəhbərlərindən heç biri, nə Ermənistanın polis rəisi Vahe Qazaryan, nə Milli Təhlükəsizlik Xidmətinin direktoru Armen Abazyan, nə də Dövlət Nəzarəti Xidmətinin rəhbəri Romasnos Petrosyan bu münasibətlə mesaj göndərmədilər.
– Heç bir hərbçi, müharibə iştirakçısı təltif edilməyib, heç kimə hərbi rütbə verilməyib.
” -Edqar Qazaryan yazıb.
