Aprelin 12-də Bakıda ölkə başçısı, Ali Baş Komandan İlham Əliyev tərəfindən açılışı olan Hərbi Qənimətlər Parkı erməni liderlərini qorxuya salıb. Alp.az xəbər verir ki, Ermənistan Ombudsmanı Arman Tatoyan hazırladığı hesabatda erməni xalqının inamının öldürüldüyünü qeyd edib. “Bakıda zəncirlənmiş şəkildə erməni əsgər və zabitin nümayiş etdirilməsi bizə müharibədəki məğlubiyyətdən betər əzab verir. Erməni xalqında inam hissini öldürən amildən biri müharibədən sonra informasiyada məğlub olmağımızdır. Sosial şəbəkədə bu parkı izləyən erməni gəncləri stressə düşür. Bu gələcəyin məhv olmasıdır. İlham Əliyevin Zəngəzurla bağlı çıxışları gənclərdə bir fikir formalaşdırıb ki, İrəvan, Zəngəzur, Göyçə Azərbaycanın növbəti dayanacağıdır. Biz çıxış yolu tapmalıyıq.”






















