Azərbaycanın 44 günlük haqlı müharibəsindən sonra qondarmalığından da əsər-əlamət qalmayan “Artsax”ın oyuncaq “prezidenti” hələ də Qarabağda bildiyini edir.
Son günlər biri-birinin ardınca erməni milyonçular Qarabağa səfər edir.
Alp.az ermənilərə məxsus Aysor .am saytına istinadən xəbər verir ki, dünən daha bir milyonçu “Tovmasyan” Xeyriyyə Fondunun sədri Artak Tovmasyan Xankəndiyə səfər edib.
Səfər zamanı “qondarma başçı” Arayik Arutyunyan da “Tovmasyan” Xeyriyyə Fondunun sədri Artak Tovmasyanı qəbul edib.
Qeyd edək ki, “Tovmasyan” xeyriyyə fondu dünyanın bir çox ölkəsində yaşayan varlı ermənilərdən ianələr toplayaraq Ermənistan Silahlı Qüvvələrinə, qaondarma “Artsax” “dövlətinə” yardımlar təşkil edir və hasırda orada atəşkəsi pozan terrorçuların maliyyələşməsində mühüm rol oynayır.
Maraqlıdır erməni milyonçular Laçın dəhlizindən necə keçərək Xankəndinə gəlirlər? Mütamadi olaraq Xankəndinə səfər edən Kanada vətəndaşı, erməniəsilli Radik Hovanesyan sülhməramlıların keçiddə onları yoxlamadığını bildirib:”Mən İrəvanda olan şirkətimizin xətti ilə tez-tez Xankəndində oluram. Sülhməramlılar bizi demək olar ki, yoxlamır. Bu yaxşı haldır. Ora qeydiyyat üçün kitab qoyublar. Biz orada olan kitaba istədiyimiz adı yazıb Qarabağa keçə bilirik.”
Görünən isə odur ki, erməniyə ev tikən, sülhməramlı öz missiyasından başqa bütün işləri yerinə yetirir.
