Vətən müharibəsi zamanı məhv edilən erməni general- mayor Norayr Mirzoyanla eyni səngərdə xidmət edən mayor Andranik Mikaelyan həmin döyüşlə bağlı xatirələrini danışıb. Alp.az xəbər verir ki, Andranik Mikaelyan Xocavənd istiqamətindəki döyüşlər zamanı Azərbaycan Xüsusi təyinatlılarının bir qrupu ilə üz-üzə gəldiklərini bildirib.
“Bu dəhşətli mənzərə idi. Onlar bir anda bizim hərbçiləri döyüş meydanından qovdular. Lakin az sonra anladıq ki, biz tam mühasirəyə düşmüşük. Generala bu barədə məruzə etdim. Amma onu inandırmışdılar ki, bizə kömək gələcək. Əsgərlərimiz silah-sursatını ataraq qaçırdı. Qaçanlar da hədəfə çevrilirdi. Biz manevr etmək istəyirdik. Amma bu alınmadı. General Mirzoyan və polkovnik-leytenant David Sarkisyan həlak oldu. Həmin mühasirədən 3 nəfərlə çıxdıq. Hər üçümüz ağır yaralı olsaq da birtəhər xilas olduq. Həmin döyüşdə bir taborumuz tamamilə məhv oldu. Bu xəyanət idi. Onları xilas etmək olardı. Amma gözümüz önündə hamı məhv oldu.”-deyə Andranik Mikaelyan bildirib.
