“Əgər danışıqlar prosesi başlayacaqsa, uduzan tərəf biz ola bilərik. Çünki biz Azərbaycanın bəzi ərazilərini öz nəzarətimizdə saxlayırıq”.
Alp.az xəbər verir ki, bunu Ermənistan parlamentində “Vətəndaş müqaviləsi” fraksiyasının deputatı Vahe Qalumyan deyib.
“Baş nazir demarkasiya və delimitasiya işləri həyata keçirməli olan komissiyanın zəruriliyi haqqında danışır. Mən heç vaxt torpağı təhvil vermək haqqında danışmamışam.Amma hər şey bizim arzuladığımız kimi deyil. Bəli bizim nəzarətimizdə olan Azərbaycan torpaqları var. Əgər demarkasiya və delimitasiya işləri aparılsa o torpaqları geri verməli olacayıq.”, – deyə Qalumyan qeyd edib.
