“Ermənistan uduzmuş, təslim olmuş, rəzil bir vəziyyətdədir. Artıq demək olar ki, Ermənistan adlı dövlət yoxdur ” – Alp.az xəbər verir ki, bunu Ermənistan Respublika Partiyasının icra orqanının üzvü Eduard Şarmazanov bu gün keçirdiyi mətbuat konfransında Türkiyə ilə münasibətlərin qurulmasının məqsədəuyğunluğuna toxunaraq bildirib.
“Hökumət üzvləri deyirlər ki, nəqliyyat kommunikasiyalarının blokdan çıxarılması bizə yaraşır. Onlar coğrafiya bilən insanları həyasızcasına ələ salırlar, Meğri-Horadiz dəmir yolu bizi Rusiya ilə birləşdirəcək. Xəritəyə baxın: İrəvandan Meğriyə neçə kilometr var? Meğridən Horadizə və Horadizdən Bakıya neçə kilometr məsafə var? . İrana bu yolla gedəcəyik deyirlər. Və sizdən Gorus-Qafan yolunu türklərə vermənizi kim xahiş edib ki, indi bəyan edək: biz Azərbaycandan keçərək İrana gedəcəyik. Bu bilirsiz nə deməkdir? Biz dövlət olaraq Azərbaycandan asılı vəziyyətə düşürük”, -deyə Eduard Şarmazanov vurğulayıb.
