Tarix 1991-ci il. Ərazi Kəlbəcər. Mənim də şahidi olduğum hadisədir. Ermənilər dayanmadan kəndləri atəşə tuturdular. Yerli əhali ancaq yeni erməni daşnaklarına ov tüfəngləri və ərazidə xidmət aparan polislərə verilmiş avtomatla cavab atəşi açırdı. I Qarabağ savaşında məhz silah-sursat catışmazlığı və nizami ordunun formalaşdırılmaması səbəbindən torpaqlarımızı itirdik. İllər biri-birini əvəz etdi. Azərbaycan Cənubi Qafqazda ən güclü orduya sahib olmağı bacardı. Ordunu müasir silahlarla təhciz etmək lazım idi. Azərbaycan hökuməti 2005-ci ildə Azərbaycan Respublikası Müdafiə Sənayesi Nazirliyini yaratdı. Bundan sonra Azərbaycan müsasir silahlarını yaratmağa başladı. Bu dəfə Alp.az olaraq müasir silahlardan biri olan “İstiqlal” snayperi haqqında sizə məlumat verəcəyik. Azərbaycan 2008-ci ildən özünün snayper tüfəngini istehsal edir. “İstiqlal” adlı bu silah 3 min metr məsafədə hədəfi məhv edir, beton hasarı dəlib keçə bilir, MDB və NATO ölkələrində istehsal olunan analoqlarını öz göstəricilərinə görə geridə qoyur.
“İstiqlal” snayper tüfəngi əllə doldurulan və uzununa çəkilən çaxmaqlı sxem əsasında hazırlanmış irikalibrli tüfəngdir. 2008-ci ildən istehsal olunur. Uzaq məsafədən hədəfi dəqiqliklə vurma qabiliyyətinə malikdir. Bu silahın əsas təyinatı rəqibi texniki və material vasitələrinin orta və uzaq məsafədən vurulmasıdır.
Yerli mütəxəssislər tərəfindən hazırlanan “İstiqlal” snayperi MDB və NATO ölkələrində istehsal olunan analoqlarını öz göstəricilərinə görə geridə qoyur. Çəkisi 20 kiloqram olan bu snayper tüfəng çox ağır olmasına baxmayaraq, dəzgah üzərində tətbiq olunur.
Bu silahın optik nişangahı özəlliyi ilə analoqlarından fərqlənir. Hədəfi məhv etmə məsafəsi 3 min metr olan “İstiqlal” 50 və + 50 dərəcə temperaturlarda belə rahat istifadə oluna bilir. Darağın tutumu 5 patron.
2 min metr məsafədə dəqiq vuruş və beton hasarı dəlib keçmə qabiliyyətinə malikdir. Həmçinin zireh deşən və yandıran patronları da bu tüfəng üçün nəzərdə tutulmuşdur. Kalibri 14.5 mm-dir. Yağmur, palçıq, qar və toz təsirinə davamlı snayper tüfəngini iki hissəyə ayırmaqla çantada daşımaq mümkündür. Bu silah Azərbaycanın cəbhə bölgələrində istifadə olunur. Azərbaycan ordusunun snayperləri atəşkəs rejimini pozan erməni əsgərlərini cavab atəşi ilə susdurur. Azərbaycan Silahlı Qüvvələrinin snayperləri çox dəqiq işləyir və düşməni saatlarla müşahidə edib vurmaq qabiliyyətinə malikdir. “İstiqlal” silahı beynəlxalq arenada dəfələrlə nümayiş olunub və bəyənilib. “İstiqlal” snayper tüfəngini Azərbaycanla yanaşı, Pakistan, İordaniya, bəzi mənbələrin məlumatına görə MDB və NATO ölkələrində də istifadə olunur.
