Ukraynalı boksçu, 2012-ci ilin Olimpiya çempionu, həvəskarlar arasında dünya və Avropa çempionu, hazırda isə WBA Super, WBO, IBF və IBO ağır çəki versiyaları üzrə peşəkarlar arasında dünya çempionu Aleksandr Usik həvəskar karyerasından maraqlı hadisəni paylaşıb. Bu barədə Rusiyanın “Sport Komsomolskaya Pravda” nəşri yazır.
Usikin sözlərinə görə, 2011-ci ildə Bakıda keçirilən dünya çempionatının finalından əvvəl bir nəfər ona yaxınlaşaraq azərbaycanlı boksçu Teymur Məmmədova 300 min avroya uduzmağa təklif edib. Qeyd olunur ki, bu, həvəskar idman üçün böyük puldur. Müqayisə üçün: Usik 2012-ci il Olimpiya Oyunlarında qalib gəldiyi üçün təxminən 125.000 dollar ödənilib.
“Mənə 300 min avro təklif ediblər”, – ukraynalı boksçu xatırlayır. – Bir kişi yanıma gəlib və həmin məbləği adlandırıb. Mən razılaşmadım. Ondan sonra düşündüm ki, indi 300 mini üç hakim arasında bölüşdürmək olar, sonra öz çirkin işlərini görəcəklər”.
Usık rinqə “çox güclü vurmaq lazımdır” düşüncələri ilə çıxdığını xatırladır. Həmin finalda 91 kq çəki dərəcəsində ukraynalı 25:15 hesabı ilə qalib gəlib. “Yaxşı ki, uğur qazana bilmədilər və mən qalib gəldim”, – Usik deyib.
Hal-hazırda Aleksandr Usik 13 nokaut ilə 19 qələbə qazanan və hələ ki məğlub olmayan peşəkar boksçudur. Ukraynalının növbəti rəqibi Aleksandrın bu ilin sentyabrında artıq məğlub etdiyi Entoni Coşua olacaq.virtualaz.org
