Sülhə yavaş-yavaş yaxınlaşırıq. Brüsseldə bir neçə dəfə üçtərəfli görüş keçirilmişdir və hər dəfə sülhə daha da yaxınlaşırıq. Cari dördtərəfli görüş Şarl Mişel və Emmanuel Makron tərəfindən təşkil edilmişdir və bu görüş zamanı da önəmli məsələlər müzakirə olunub;
Oktyabrın 6-da Praqada Azərbaycan Respublikasının Prezidenti İlham Əliyevin Fransa Respublikasının Prezidenti Emmanuel Makron, Avropa İttifaqı Şurasının Prezidenti Şarl Mişel və Ermənistan Respublikasının baş naziri Nikol Paşinyan ilə görüşü keçirilib. Görüş Şarl Mişel və Emmanuel Makron tərəfindən təşkil edilmişdir və görüş zamanı da önəmli məsələlər müzakirə olunub.
Brüsseldə bir neçə dəfə üçtərəfli görüş keçirilmişdir və hər dəfə sülhə daha da yaxınlaşılmışdır. Bu görüşün də sülh müqaviləsinə çatmaq üçün önəmi var.Azərbaycan bütün platformalarda öz mövqeyini qətiyyətlə təqdim edir. Ermənistanın davranışları isə kənardan aldığı dəstəyə görədir.
Praqa platforması Azərbaycanın atacağı növbəti addımlara köməkçi element rolunda çıxış edir.Ermənistanın addımlarının sülhə zərər vurması haqqında Azərbaycan tərəfi hər dəfə öz sözünü deyir. Dördtərəfli görüşdə də qeyd edilib ki, İkinci Qarabağ müharibəsi başa çatandan sonra ermənilər tərəfindən ən azı 1400 mina basdırılıb və bu, bizə qarşı növbəti cinayətdir, növbəti terror aktıdır. Onu da qeyd etməliyik ki, 250-dən çox azərbaycanlı müharibədən sonra ya həlak olub, ya da ki, ağır yaralanıb. Yəni, bizə qarşı erməni terroru davam edir və buna son qoyulmalıdır. Minaların basdırılması yeganə cinayət deyil.Bu günə qədər erməni silahlı birləşmələri bizim torpağımızdan çıxarılmayıb.Düzdür, onların bir qismi çıxarılıb, amma hələ də onlar torpağımızda mövcuddur və ümid edirik ki, buna da son qoyulacaq. Çünki bunu artıq bütün dünya ictimaiyyəti açıq dərk edir ki, Qarabağ Azərbaycandır!
İlham Əliyev dördtərəfli görüşü sülhə çatmaq üçün önəmli tədbir kimi qiymətləndirib və qeyd edib ki, Ermənistandan “xoş məram olarsa, sülh müqaviləsi ilin sonunadək imzalana bilər”.
Elmira Babayeva
Azərbaycan Dövlət Pedaqoji Universiteti
