Alp.az xəbər verir ki, bu barədə “The Sun” məlumat yayıb.

Bildirilib ki, qətl sentyabrın 12-də Hinceşti rayonunun Fundul Galbenei kəndində baş verib.

Qeyd olunur ki, sevdiyi qızın qohumları ilə görüşə gələn gələcək kürəkən onlarla mübahisə edib.

28 yaşlı Roman Vlasenin üç həftə əvvəl tibb bacısı işləyən 23 yaşlı Anna Fantaziuya evlilik təklifi etdiyi deyilir.

Qız onu valideynləri ilə tanış etmək üçün evə dəvət edib. Mərhumun atasının dediyinə görə, ailə ilə Vlase arasında mübahisə yaranıb, bu zaman oğlan silah çıxararaq onları hədələməyə başlayıb.

Ata kömək üçün evdən çıxıb və bundan sonra iki güllə səsi eşidib.

Hadisə yerinə gələn polislər qızın və onun qatilinin cəsədlərini tapıblar.

Vurğulanıb ki, Roman Annanı öldürdükdən sonra həmin silahla intihar edib.