Tanınmış yazıçı Ötərxan Eltacın yeni kitabı işıq üzü görüb. Alp.az xəbər verir ki, yazıçının yeni kitabı “Cənnətdə fırtına” adlanır. “Cənnətdə fırtına” adlanan bu əsər ermənilərin torpaq iddiası ilə ayağa qalxdığı 1988-ci ildən ta ki atəşkəs (1994-cü il 12 may) dövrünə qədər davam edən Birinci Vətən müharibəsinə həsr edilib. Qorxmazlığı, cəsarəti ilə tarix yazan, ölümsüzlüyə yüksələn oğulların bəlkə də heç zaman eşitmədiyiniz (sənədlər və faktlar əsasında) amansız döyüş yolundan söhbət açılır. Kitab üç hissədən ibarətdir. “Yurdsuz çiçəklər” adlanan birinci hissə 2018-ci ildə işıq üzü görüb. Üçüncü hissə isə 44 gün davam edən döyüşümüzə – Qələbəmizə həsr ediləcək. Xatırladaq ki, bu yazıçının bu seriyadan olan 9-cu kitabıdır.
