“Bu gün Gorus və Qafanda yaranmış vəziyyət kifayət qədər ciddi təhlükəsizlik problemidir”- Alp.az xəbər verir ki, bunu Ermənistan Milli Təhlükəsizlik Xidmətinin keçmiş direktoru Artur Vanetsyan bildirib.
“Azərbaycan və Türkiyənin ən mühüm məqsədlərindən biri Zəngəzur vasitəsilə Azərbaycanın qərb rayonlarını Naxçıvanla birləşdirən dəhliz əldə etmək idi ki, Türkiyə tərəfi hətta Ermənistan-Türkiyə münasibətlərinin normallaşdırılması prosesində ilkin şərt kimi irəli sürürdü. Artıq Azərbaycan bunu əldə edib. Bir də görəcəyik ki, Azərbaycan “Laçın dəhlizi” ni də bağlayıb”, – deyə Artur Vanetsyan bildirib.
“Zəngilan və Qubadlı rayonları istiqamətində irəlliyən Azərbaycan ordusu bir çox yüksəkliklərə nəzarəti ələ keçirib. Hesab edirəm Nikol Paşinyan hökuməti 44 günlük müharibədən sonra gizli razılaşma ilə bu əraziləri təhvil verib. Bu gün bu ərazilərdə vizual nəzarət Azərbaycan ordusunun əlindədir. İndi Gorus – Qafan yolunda gömrük postları quraraq yerli erməni əhalisinin hərəkətini faktiki olaraq mümkünsüz etdi. Bir sözlə Zəngəzur Azərbaycan ordusunun vizual nəzarətindədir”- deyə Artur Vanetsyan bildirib.
