Atəşkəsin pozulması haqqında Müdafiə Nazirliyi hər gün məlumat yayır…
İlk baxışda adi haldır. Çünki 30 il ərzində bu xəbərlər çox öyrəşmişik…
Amma son günlər atəşkəsin pozulması ilə bağlı xəbərlər isə adi xəbərlər deyil.
Gəlin ardıcıllığa diqqət edək.
31 avqust – Azərbaycan Prezidenti İlham Əliyev və Ermənistanın baş naziri Nikol Paşinyan Brüsseldə görüşür. Vasitəçi Avropa İttifaqının rəsmi nümayəndəsi Şarl Mişeldir. Nəyin müzakirə olunduğu bəlli deyil. Verilən məlumata görə, tərəflər sülh sazişi üzərində işləməyə hazır olduqlarını və hətta nazirlərə mətn üzərində işə başlamağı tapşıracaqlarını bildiriblər.
1 sentyabr – Nikol Paçinyan danışıqların asan olmadığını bildirir. Azərbaycan Prezidentini İtaliyaya səfəri və İtaliya Respublikası Nazirlər Şurasının Sədri Mario Draqi ilə görücü barədə yayılan rəsmi informasiyada bildirilir: Ermənistan və Azərbaycan arasında sülh müqaviləsi üzrə danışıqlara başlanılmasının əhəmiyyəti vurğulandı.
2 sentyabr – Azərbaycan Respublikasının Müdafiə Nazirliyi atəşkəsin pozulması və Kəlbəcər istiqamətində hərbi avtomobilin atəşə tutulması ilə bağlı məlumat yayır.
3 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
4 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
5 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
6 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır. Ermənistan tərəfi sentyabrın 5-də axşam saatlarında Ermənistan-Azərbaycan sərhədinin şərq hissəsindəki döyüş mövqeyində, kiçik çavuş Arman Qagikoviç Sarkisyan güllə yarası alaraq ölüyü barədə məlumat yayır. Azərbaycan Müdafiə Nazirliyi isə məlumatı təkzib edib:
“Ordumuzun bölmələri tərəfindən Azərbaycan-Ermənistan dövlət sərhədində guya atəş açılması və nəticədə Ermənistan silahlı qüvvələrinin hərbi qulluqçusunun vəfat etməsi barədə Ermənistan müdafiə nazirliyinin yaydığı məlumat yalandır. Bu məlumatı qəti surətdə təkzib edirik”.
7 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
8 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
9 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
10 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
11 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
12 sentyabr – Azərbaycan Respublikası Müdafiə Nazirliyi atəşkəsin pozulması ilə bağlı məlumat yayır.
Beləcə 10 gündən artıqdır ki, atəşkəs hər gün pozulur.
Bu 10 gün müddətində baş verən daha bir olay da var. Terrorçu elan olunmuş 5 erməni hərbçi Ermənistana qaytarıldı. Sentyabrın 8-də. Maraqlıdır ki, bu 5 erməni qaytarılan gündə də Müdafiə Nazirliyi atəşkəsin pozulması ilə bağlı məlumat yaydı.
Baş verənlərlə bağlı informasiyalar ayrı-ayrılıqda adi görünə bilər. Lakin bütün informasiyaları bir müstəviyə yığanda aydın olur ki, mənzərə təsəvvür olunduğu qədər də aydın və sadə deyil.
Asəf Quliyev
