Böyük Britaniya Hərbi Hava Qüvvələrinə məxsus kəşfiyyat təyyarəsi Rusiya sərhədlərinə yaxınlaşıb.
Alp.az-ın məlumatına görə, bu barədə Rusiya Müdafiə Nazirliyi məlumat yayıb.
Rusiyanın Hərbi Kosmik Qüvvələrinin döyüş təyyarələri Böyük Britaniyanın iki “Tayfun” döyüş və bir kəşfiyyat təyyarəsinin Qara dənizdə Rusiya sərhədinə yaxınlaşması nəticəsində havaya qaldırılıb.
Rusiyanın Su-27 təyyarələri bu müdaxilənin qarşısını almaq əmri alıb. Nəticədə həmin təyyarələr geri çevrilib, sərhəd pozuntusu olmayıb.
