İranın ali dini lideri Seyid Əli Xamenei Rusiyaya dron satdığını etiraf edib.
Alp.az xəbər verir ki, dini liderin öz Twitter hesabında yazdıqları gündəm olub.
“Bir neçə il öncə müasir raket və dron təchizatlarımızın fotoları yayılanda dedilər ki, fotoşopdur. İndi deyirlər ki, İran dronları çox təhlükəlidir. Deyirlər niyə onlara dron satırsız? Bu, iranlı istedadların bacarığıdır. Onlar ölkəmizə şərəf gətirdilər”.
Xameneinin bu sözləri İranın Rusiyaya dron satdığının etirafı kimi qiymətləndirilib.
O həmçinin iranlı elm adamlarının fəaliyyətini də yüksək qiymətləndirib.
“Elm adamlarımız dünyanın diqqətini çəkən vəzifələr yerinə yetirdilər: kök hüceyrələr və heyvan klonlaşdırılması, kosmosa peyk göndərilməsi, insanabənzər robotlar, nüvə texnologiyası, qabaqcıl raketlər və dronların yaradılması, peyvəndlərin, xüsusilə də COVİD vaksinlərinin yaradılması” ,- deyə dini lider əlavə edib.Sonxeber
