“Soçidə keçirilən görüşdə Ermənistan tərəfi Dağlıq Qarabağın adının çəkilməsi və ya “Dağlıq Qarabağ” termininin qeyd olunmasını, Rusiya sülhməramlılarının mandatının uzadılması məsələsini təkidlə qaldırdı, amma bu məsələlər üzrə razılığa gəlmək mümkün olmadı. Qəbul olunmuş bəyantda heç bir irəliləyiş görünmür”.
Bunu Ermənistan parlamentinin hakim “Mülki müqavilə” partiyasından olan vitse-spikeri Ruben Rubinyan deyib.
O əlavə edib ki, Rusiya, Ermənistan və Azərbaycan liderlərinin görüşünün yekunu üzrə Soçi bəyanatında Praqa dördtərəfli bəyanatının həmin hissəsi təsdiqlənib, ona görə Ermənistan və Azərbaycan Alma-Ata müqaviləsi əsasında bir-birinin ərazi bütövlüyünü tanıyır.
Onun fikrincə, erməni tərəfi üçün vacib olan odur ki, iki ölkə arasında delimitasiya bu əsasda aparılmalıdır. “Məlumdur ki, indiyədək Azərbaycanda bəzi naməlum xəritələr əsasında delimitasiya ilə bağlı bəzi bəyanatlar səsləndirilib. Praqa və Soçidəki bəyanatlara əsasən müəyyən edilib ki, Ermənistanla Azərbaycan arasında keçmiş sovet respublikaları arasındakı sərhədə uyğun gələn sərhəd xətti var və delimitasiya bu əsasda aparılmalıdır”, – Rubinyan bildirib.
Ermənistanın daxili siyasi səhnəsində Soçi görüşündən əvvəl İrəvanın guya Rusiyanın sərfəli təkliflərini qəbul etmədiyi barədə bəyanatlar səslənib. Lakin vitse-spiker əmin edib, Baş nazir Nikol Paşinyan bu şübhələri tamamilə aradan qaldırıb.”AzPolitika.info”
