Bu gün vətəni, əsgəri, torpağı üçün canını fəda edən şəhid mayorumuz Vaqif Bayramovun doğum günüdür.
Vaqif Bayramov 25 dekabr 1979-cu ildə Naftalan şəhərində anadan olmuşdu.
Naftalan şəhərindəki İmadəddin Nəsimi adına 1 saylı orta məktəbin 8-ci sinfini bitirəndən sonra C. Naxçivanski adına Hərbi Liseyə daxil oldu. 1997-ci ildə həmin təhsil ocağını bitirib, Bakı Ali Hərbi Birləşmiş Komandirlər məktəbində təhsilini davam etdirdi, oradan 2001-ci ildə motoatıcı ixtisası üzrə məzun olur. Xidməti hər zaman ön xəttə olub qəhrəmanımızın…
Peşəkar hərbçi olan Vaqif Bayramovun Xüsusi Təyinatlı Qüvvələrdə xidmət keçirdi.
2016-cı ilin aprel ayında baş verən döyüşlərin birində əsgərini xilas edərkən qəhrəmancasına şəhid oldu.
Aprelin 11-i isə Vaqif Bayramov doğulduğu Naftalan şəhərində son mənzilə yola salınıb.
Vaqif Bayramov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə “Hərbi xidmətdə fərqlənməyə görə” III dərəcəli medalı ilə təltif edilib.
Xatırladaq ki, Vaqif Bayramovun qardaşı Mehman Bayramov da 1992-ci il iyul ayının 1-i Qarabağ uğrundakı döyüşlərdə şəhid olub. Allahdan şəhidimizə rəhmət, ailəsinə və yaxınlarına səbr diləyirik. Allah rəhmət eləsin!
