“Nikol Paşinyan çox gözəl bilir ki, onun gedişi həm Zəngəzur dəhlizindən, həm də ölkədə müharibədən qaçmağa kömək edəcək, lakin o, hakimiyyəti itirmək istəmir”.
Alp.az xəbər verir ki, bu barədə “Zham.am” portalı yazıb.
Yazıda qeyd olunur: “Paşinyan bilir ki, Brüssel sənədinin imzalanması Ermənistanın süqutu deməkdir. Oktyabrın əvvəlində internetdə sənəd dərc edilib. Bu, Ermənistan və Azərbaycan arasında sülh müqaviləsinin Amerika variantıdır.
Digər məsələlərlə yanaşı, Ermənistan hakimiyyəti tərəfindən rəsmi təkzib olunmayan sənəddə deyilir: “Azərbaycan hökuməti Dağlıq Qarabağın erməni etnik icmasının oxşar nümayəndəsi ilə işləmək üçün nümayəndə təyin edəcək. Onlar Qarabağ sakinlərinin hüquqi və təhlükəsizlik məsələlərinin müzakirəsini aparacaq.
Nümayəndələr müzakirələrin beynəlxalq ictimaiyyət üçün şəffaf olmasını təmin edəcəklər.
Erməni nəşri əlavə edir: “Hətta Soçidə gözlənilən üçtərəfli görüşdən sonra rəsmi İrəvan Qərbin himayəsi altında Azərbaycanla sülh müqaviləsi imzalaya bilər. Nikol Paşinyan ehtiyat edir ki, Azərbaycanla münasibətlər Moskvanın təklif etdiyi modellə tənzimlənərsə, o zaman şəxsən o, Rusiya üçün subyektivliyini, onunla birlikdə isə gücünü itirəcək. O bilir ki, əslində, 9 noyabr bəyanatından geri çəkilib anti-Rusiya siyasəti yeritmək Ermənistan üçün fəlakətli nəticələrə gətirib çıxaracaq, amma Qərbdən sığınacaq alacağına əmin olduğu üçün bu yola gedir”.Yenisabah.az
