image-ads_2000x150
image-74a67aa1-d68d-43a7-91da-e775bd8b8bb9jpg-1657288249backend

Baş İdarə Qurban bayramı münasibətilə tədbir keçirib

image-ads_728x90

Bakı Şəhər Mədəniyyət Baş İdarəsi Qurban Bayramı ərəfəsində Bilgəh qəsəbəsində yerləşən Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Ahıl şəxslər üçün Sosial xidmət müəssisəsində konsert təşkil edib.

Konsertin aparıcısı Günay Firudinqızı qonaqları salamlayaraq, Müqəddəs Qurban Bayramının mühüm özəlliklərindən birinin ahılları yada salmaq, onlarla bayramlaşmaq olduğunu qeyd edib. Tədbirdə çıxış edən Pansionatın direktoru Samirə Mehdiyeva müharibə və əmək əlillərinə dövlət qayğısından və onlar üçün hazırlanan proqramların ahıllarımızın asudə vaxtının təşkilində əhəmiyyətindən danışıb. Milli Məclisin deputatı Jalə Əhmədova ağsaqqallarımızla, ağbirçəklərimizlə hər görüşün böyük mənəvi dəyəri olduğunu vurğulayıb.

Konsert proqramında populyar müğənni Elnur Məmmədov və rəqqasə Fatimə Fətəliyeva ahıllarımıza əsl bayram əhval-ruhiyyəsi bəxş ediblər.
Pansionat sakinləri bu gözəl ortamı yaratdıqlarına görə təşkilatçılara minnətdarlıqlarını bildiriblər.

image-ads_728x90

  • whatsapp
  • messenger
  • telegram
  • vkontakte
  • odnoklassniki