image-fb_img_1665670675700backend

Bal yarmarkasında Qarabağ və Şərqi Zəngəzur iqtisadi rayonlarından 5 ton bal satışa çıxarılıb

image-ads_320x100
Arıçılar yarmarkaya ən çox cökə və çiçək balı gətiriblər

Arıçılıq məhsullarının 22-ci Respublika Sərgi-Satış Yarmarkasına arıçılar tərəfindən ən çox cökə və çiçək balı satışa çıxarılıb. Azərbaycanın bütün iqtisadi rayonlarını təmsil edən 250 arıçı tərəfindən satışa ümumilikdə 33,5 ton cökə və eyni çəkidə çiçək balı gətirilib. Cökə və çiçək balları yarmarka dövründə satışa təqdim olunan arıçılıq məhsullarının 1/2 hissəsini təşkil edir.

Bundan başqa arıçı fermerlər satışa 6,5 ton qaratikan balı, 9 ton may balı, 9,9 ton dağ balı, 2 ton biyan balı, 5,5 ton meşə balı çıxarıblar. Yarmarkada həmçinin çəmən balı, dağ-çəmən balı, şabalıd balı, yonca balı və digər bal növləri satılır.

Ümumilikdə yarmarkaya 120 tona yaxın arıçılıq məhsulu çıxarılıb. Bunun da 5 tonu Qarabağ və Şərqi Zəngəzur iqtisadi rayonlarının payına düşür.

Bal yarmarkasında həmçinin digər arıçılıq məhsulları – mum, propolis, çiçək tozu, güləm, podmor, propolis cövhəri, arı südü, arıçılıq məhsullarından hazırlanan kosmetik vasitələr və s. satılır.

Qeyd edk ki, arıçılıq məhsullarının 22-ci sərgi-satış yarmarkası 20 oktyabr tarixinədək davam edəcək.

Nərimanov rayonu, Fətəli xan Xoyski küçəsi, 5 ünvanında (“Gənclik” metro stansiyasının yaxınlığı) keçirilən yarmarkanın təşkilatçıları Kənd Təsərrüfatı Nazirliyi və Azərbaycan Arıçılar Assosiasiyasıdır.

image-ads_320x100

  • whatsapp
  • messenger
  • telegram
  • vkontakte
  • odnoklassniki