Bakıda yüksək sürətlə manevr və ötmə qaydalarını kobud şəkildə pozan sürücü avtoxuliqanlıq edib. 90-PN-051 qeydiyyat nişanlı “Audi” markalı avtomobilin sürücüsü müxtəlif vaxtlarda paytaxtın Heydər Əliyev prospektində 240 km/saat sürətlə hərəkət edərək yolda hərəkət edən avtomobillərin arasından manevr edib. Bundan əlavə olaraq paytaxtın Neftçilər prospektində sıxlıq zamanı eyni xətanı törədərək sürücülərə təhlükəli vəziyyət yaradıb. Qeydə alınan digər videoda isə həmin sürücü parklanma yerində maşını qəflətən sürətləndirməklə şou göstərib.
Öz hərəkətlərini videoya çəkən sürücü həmin görüntüləri sosial şəbəkə hesabında paylaşıb.Avtosfer.az
