“2022-2023 cü illərin payız-qış mövsümünə hazırlıqla əlaqədar tədbirlər planına uyğun olaraq şəbəkəyə ötürülən təbii qazın təzyiqinin tənzimlənməsi və normada saxlanılaraq isteklakçıların fasiləsiz təbii qazla təmin olunması üçün 668 ədəd qaz tənzimləyici, 546 ədəd müxtəlif diametrli bağlayıcı armatur quraşdırılıb və ya əvəz olunub, 57 ədəd qaz tənzimləyicinin yeri dəyişdirilib, 148 ədəd qaz tənzimləyici dayaqlar üzərinə qaldırılıb”.
Alp.az xəbər verir ki, bu barədə “Azəriqaz” İstehsalat Birliyində keçirilən “Açıq qapı” aksiyasında məlumat verilib.
Qurumun şöbə rəisi İbrahim Kərbalayev bildirib ki, bu il ərzində ümimilikdə 6251 müraciət daxil olub. “Ötən illə, yəni 2021-ci illə müqayisədə isə 1320 müraciət az təşkil edir”, – deyə o, qeyd edib.
Tədbirdə o da bildirilib ki, tələbat artıqdaca təbii qazın verilişi də artırılır: “Ümumilikdə isə istilik mövsumu noyabr ayından başlanılacaq”.
