Azərbaycanlı məktəbli Zeynəb Ramin qızı Allahverdiyeva Almaniyada keçirilən olimpiadada qalib gəlib.
Alp.az-ın məlumatına görə, Beynəlxalq Stem Olimpiadası 23 iyul 2022-ci ildə Frankfurt şəhərində yerləşən Höte adına Frankfurt Universitetində keçirilib.
15 ölkə və 225 iştirakçı arasında keçirilən yarışma riyaziyyat, təbiət elmləri və kodlaşma kateqoriyaları üzrə olub. Zeynəb Allahverdiyeva 2, bacısı Əzizə Ramin qızı Allahverdiyeva isə 1 qızıl medal alıb.
Ümumilikdə olimpiadada Azərbaycan 31 qızıl medal, 23 gümüş medal, 29 bürünc medal və 16 həvə sləndirici medal əldə edib.
