Azərbaycanda ilk dəfə Real TV-nin “Hərbi saat” verlişində “Güvən atışı” adlanan atəş hazırlığı mərhələsi jurnalistin iştirakı ilə icra olunub.
Alp.az-ın məlumatına görə, “Hərbi saat” verilişinin Daxili İşlər Nazirliyinin (DİN) Daxili Qoşunlarının Xüsusi Təyinatlı Dəstəsinə həsr olunmuş buraxılışında hərbi jurnalist Anar Şuşalı real patronlardan istifadə olunmaqla hədəfin vurulması təliminə qatılıb.
“Güvən atışı”da hədəfin sağında Xüsusi Təyinatlı Dəstənin komandiri, digər tərəfində isə Anar Şuşalı durub. Uğurla başa çatan bu atəş hazırlığı təliminin fərqliliyi ondan ibarət olub ki, “Güvən atışı” jurnalistin iştirakı ilə icra olunub.
Qeyd edək ki, “Güvən atışı” atəş hazırlığı təlimi döyüşçünün – hərbçinin psixoloji hazırlığının yoxlanılması məqsədilə həyata keçirilən ən vacib mərhələlərdən biridir.
