image-ads_2000x150
image-sevgibackend

Azərbaycanda ər arvadını qonşu kişi ilə tutdu: GECƏ SAATLARINDA… – TƏFƏRRÜAT

image-ads_728x90

Ötən həftə Gəncə Ağır Cinayətlər Məhkəməsində Tovuz rayon Aşağı Quşçu kənd sakini, 1986-cı il təvəllüdlü Mahir Məmmədov (ad şərtidir)barəsində Cinayət Məcəlləsinin 126.3-cü (qəsdən sağlamlığa ağır zərər vurma – ölümlə nəticələndikdə) maddəsi ilə açılmış cinayət işi üzrə məhkəmə prosesi başa çatıb.

Alp.az xəbər verir ki, hakim Faiq Mahmudovun sədrliyi ilə keçirilən prosesdə M.Məmmədovun 2020-ci ilin avqust ayının 7-də həyat yoldaşı Röya Məmmədovanı (ad şərtidir) qəsdən öldürmədiyi, qısqanclıq zəminində soyuq silah hesab edilməyən mətbəx bıçağı ilə vurduğu məlum olub. Məhkəmədə ifadə verən təqsirləndirilən şəxs deyib ki, hadisə baş verən gecə həyat yoldaşını qonşuluqda yaşayan Razi ilə tutub. O, Razini vurmaq istəsə də, qonşu kişi qaçıb. Cinayət də bundan sonra baş verib. Mahir Məmmədov ifadəsində deyib:

“Röya ilə 2007-ci ildə ailə həyatı qurmuşam. Birgə evliliklərindən 2008-ci və 2010-cu il təvəllüdlü 2 övladımız var. Evləndikdən sonra ər-arvad münasibətlərimiz normal olub. Təxminən 2009-cu ildə hazırda Tovuz rayonu Aşağı Quşçu kəndində yaşadığım – hadisənin baş verdiyi evə köçmüşük. Bundan sonra mən ailəmi fəhləçilik edərək, istixanalarda işləyərək, əkin sahələrində muzdla işləyərək maddi cəhətdən təmin etmişəm. Mərhum isə həyətdə düzəltdiyim ərzaq mağazasında işləyirdi. Birgə ailəmizi dolandırmışıq. Övladlarımız məktəbdə oxuyur. Son vaxtlar Röya ilə ər-arvad münasibətlərimizdə soyuqluq yaranmışdı. Onunla bu barədə söhbətləşərək niyə mənə soyuq davrandığını, soyuq davranma səbəbinin nə olduğunu öyrənmək istəmişəm. Röya artıq mənimlə yaşamaq istəmədiyini, ayrılmaq istədiyini bildirmişdi. Bunun səbəbini soruşduqda Röya qonşumuz Razi ilə münasibətdə olması barədə dediklərimə görə məni günahlandırırdı. Guya mən öz həyat yoldaşımın adına söz çıxartmışam. Dəfələrlə bu barədə mübahisə və münaqişə etmişdik. Təxminən 14 iyul 2020-cu il tarixdə axşam saat 20 radələrində aralarında ailə-məişət zəminində mübahisə yarandı və mən Röyaya bir-iki sillə vurdum. Röyaə buna görə 102 xidmətinə zəng etdi. Biz birlikdə Tovuz RPŞ-yə gedərək hadisə ilə bağlı izahat verdik. Bundan sonra ayrılmaq qərarına gəldik. Aliment əvəzinə evin onda qalması ilə bağlı razılaşmışdıq. Təxminən dörd gün atamın evində qaldım. Atam məndən nə baş verdiyini soruşduqda mən Röyadan ayrıldığımı bildirmişdim. Lakin bir müddət sonra, təxminən 18 iyul 2020-ci il tarixdə uşaqlara görə barışdıq. Bundan sonra münasibətlərimiz düzəldi, bu müddət ərzində heç bir dava-dalaş, soyuqluq olmadı. 07 avqust 2020-ci il tarixdə bütün gün evdə olmuşam, öz işlərimi görmüşəm. Həmin gün axşam saat 20:00 radələrində Röya mənə pomidor turşusu düzəldəcəyini bildirdi və ona atamın həyətində əkilmiş pomidordan 10 kq gətirməyimi xahiş etdi. Yaşadığım evdən 10 km uzaq olan atamın evinə getdim. Həmin yolu 5 dəqiqə marşrut vasitləsilə dayancağa qədər, qalan yolu isə piyada getdim. Pomidoru sahədən təxminən 5-10 dəqiqəyə yığaraq evə qayıtdı. Röyanın məni gecə vaxtı pomidor yığmağa göndərdiyi üçün məni evdən uzaqlaşdıraraq kiminləsə görüşəcəyindən şübhələnmişdim. Buna görə də piyada tez evə qayıtdım. Evə qayıdanda saat 22:30 radələri olardı. Şübhələndiyim üçün evin arxa tərəfindən həyətə keçdim, həyətimdə başqa adamın olub-olmadığını yoxlamaq istəyirdim. Bir qədər həyətin içərisinə irəlilədikdə 4 ayaq gördüm. Bir qədər irəli getdikdə qonşu Raznin Röya ilə mehriban söhbət etdiyini gördüm. Dərhal Razinin üstünə getdim və yumruqla onu vurmaq istədim. Lakin atdığı yumruq divara dəydi. Razi həyətdən çölə qaçdı. Röyadan nə baş verdiyini soruşdum. Razinin gecə vaxtı onunla nə etdiyini öyrənmək istədim. Röya mənə Razinin onu divara qısnadığını, onun heç bir günahı olmadığını dedi. Buna görə də Röyanı Razinin evinə apardım. Lakin Razi həmin vaxt evdə yox idi. Bundan sonra mən Röyanı evə gətirdim və Razi ilə gecə vaxtı mehribancasına söhbət etməsinin səbəbini soruşdum. Heç bir söz demədi, sabah bu məsələyə aydınlıq gətirərik dedi. Yenidən Razi ilə nə işi olduğunu, aralarında sevgi münasibəti olub-olmadığını soruşdum. Əsəbi olduğum üçün üzünə iki sillə vurdum. Sonra Röya qabağından keçəndə stolun üzərində olan qara qulplu mətbəx bıçağı ilə onun kürək nahiyəsindən iki bıçaq zərbəsi vurdum. Bundan sonra Röya səndələdi. Mənə çönərək “məni bıçaqla vurdun?” dedi. Onu bıçaqla vurduqda uşaqlar digər otaqda televizora baxırdılar və Röyanı bıçaqla vurmağımı görmədilər”.

Hadisədən sonra Mahir bıçaqladığı həyat yoldaşını qonşunun evinə aparıb və ona tibbi yardım göstərilməsini xahiş edib. O, həmçinin təcili tibbi yardıma müraciət edib. Lakin qadının həyatını xilas etmək mümkün olmayıb.

Məhkəmədə ifadə verən qonşu Razi gecə saatlarında Röya ilə görüşdüyünü etiraf edib. O, siqaret almaq üçün Röyanın işlətdiyi dükana getdiyini, daha sonra isə qadınla söhbət etdiyini deyib və Mahirin onları əslində düzgün başa düşmədiyini deyib: “Mənim həyat yoldaşım Röyanın bibisi qızıdır, mən gecə siqaret aldıqdan sonra Röya cücələr üçün yem hazırlayırdı, sonra söhbət edə-edə evin arxa tərəfinə keçdik. Röyanın qızı da yanımızda idi. Uşaq evə gedəndən bir qədər sonra çəpər tərəfdən Mahir gəldi, qorxduğum üçün oradan qaçdım. Röya ilə aramızda əvvəllər istək olub, amma sevgili olmamışıq”.

Məhkəmədə ifadə verən mərhumun valideynləri isə Mahirin yaşadığı evi onların təkdirdiyini deyib. Belə ki, Mahirin həmin evi öz adına sənədləşdirmək istəməsinə Röya etiraz edərək həmin evi öz valideynləri tərəfindən tikildiyini bildirib və Malikin buna haqqının olmadığını deyirmiş. Bu səbbədən də ailədə tez-tez söz-söhbət olurmuş.

Gəncə Ağır Cinayətlər Məhkəməsi M.Məmmədovu Cinayət Məcəlləsinin 126.3-cü maddəsi ilə təqsirli bilərək onu 9 il 6 ay müddətinə azadlıqdan məhrum edib.Publika

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki