Azərbaycanın “Ground Technical Support” MMC (GTS) şirkəti digər hərbi texnika nümunələri ilə yanaşı zirehli transportyorların servis xidməti, təmiri və modernləşdirilməsi üzrə imkanlarını artırır və özünün xarici əlaqələrini genişləndirir.
GTS-dən “Poliqon”a verilən məlumata görə, bu istiqamətdə zəruri araşdırma işləri yerinə yetirilmiş, həmçinin zirehli transportyorların modernləşdirilməsi məqsədi ilə İsrailin “Automatica Engineering & Technology E.M.A.R Ltd” şirkəti ilə danışıqlar aparılmışdır.
Uzunmüddətli danışıqların uğurlu nəticəsi olaraq, 16 iyul 2024-cü il tarixində, “Ground Technical Support” MMC-nin direktoru Emin Mahmudov və “Automatica Engineering & Technology E.M.A.R Ltd” şirkətinin İdarəedici direktoru Ronni Aizenstein zirehli transportyorların modernləşdirilməsi məqsədi ilə quraşdırma dəstlərinin hazırlanması və onların texnikaların üzərinə quraşdırılması barədə əməkdaşlıq müqaviləsini imzalayıblar.
