Azərbaycan Prezidenti İlham Əliyevin Gürcüstana səfəri ölkələrimiz arasındakı qarşılıqlı münasibətlərimizingüclənməsinə təkan verdi.İki ölkə əsrlər boyu dostluq, qardaşlıq şəraitində yaşamışlar və hal-hazırda da əlaqələr yüksək səviyyədədir. Ölkələrimiz arasında iqtisadi əlaqələrin miqyası getdikcə genişlənir.
Azərbaycan müstəqillik əldə etdikdən sonra xarici ölkələrlə ikitərəfli əlaqələri inkişaf etdirməyi qarşısına məqsəd qoyub. Bu kontekstdə yaxın qonşumuz Gürcüstan Respublikası ilə ölkəmiz arasında mövcud olan əlaqələr də yüksək strateji tərəfdarlıq səviyyəsinə qalxıb.
Prezident İlham Əliyev Gürcüstana işgüzar səfəri zamanı mətbuat konfransında çıxış edərək gələcəkdə Gürcüstan, Azərbaycan, Ermənistan arasında üçtərəfli məsləhətləşmələrin başlanması məsələsini gündəmə gətirərək Azərbaycanın buna hazır olduğunu və Azərbaycanla Ermanistan arasında sülh sazişinin imzalanmasının artıq vaxtının çatmasını bildirdi. Əgər bu prinsiplər öz həllini taparsa, əməkdaşlığımız üçün daha çox imkanlar yaranacaqdır.
Azərbaycan çalışır ki, öz elektrik enerjisini dünya bazarlarına ixrac etsin. Azərbaycanın ixrac istiqaməti Gürcüstandan keçir.Azərbaycan Gürcüstanın ikinci əsas elektrik enerjisi təminatçısıdır. Hazırda enerji resurslarına bütövlükdə dünyada və Avropada böyük tələbat olduğu üçün Gürcüstanla Azərbaycan da bu məsələdə birlikdə hərəkət edərəkdigər sahələrdə olduğu kimi, bu sahədə də fəal əməkdaşlıqlıqlarını davam etdirəcək.
Azərbaycan Prezidenti İlham Əliyev bir sıra işgüzar səfərlər edir və bu səfərlərdə enerji, nəqliyyat və digər sahələrdə sazişlər imzalanır. Bütün bu sazişlər bilavasitə Gürcüstana ona görə maraqlıdır ki, layihələrin əksəriyyəti bu ölkənin ərazisindən keçir. Azərbaycanla Gürcüstan arasında nəqliyyat sahəsində əməkdaşlıq yeni inkişaf səviyyəsindədir. Gürcüstan limanlarından istifadə edərək Orta Asiyadan və bütövlükdə Asiyadan Qərb istiqamətinə və əks istiqamətə ötürülən yüklərin həcminin artırılması artıq bunu deməyə əsas verir. Beləliklə tam əminliklə deyə bilərik ki iki ölkə arasında əlaqələr yeni inkişaf mərhələsinə qədəm qoyub.
Ceyhun Məmmədov
Millət Vəkili
