image-00007161backend

Astanada ailə üçün şüarı ilə maraqlı festival keçirilib – FOTO

image-ads_728x90

Qazaxıstanın paytaxtı Astanada ailə üçün elmi-ictimai “PRO.NRG FEST 2024 – Tabigat& Science” festivalı keçirilib.

Alp.az-ın xəbərinə görə, yeni tədris ilinin başlanması münasibətilə keçirilən festivalı 7 mindən çox adam ziyarət edib.

Sayca 3-cü festivalda elm, incəsənət və texnologiya nümunələri nümayiş olunub. Tədbirdə novator-müəllimlər, yeni texnologiyalarla tədrisin öyrədilməsi metodikası təqdim edilib. Təqdimatları Qazaxıstan və xarici mütəxəssislər tərəfindən həyata keçirilib.

Festival Qazaxıstanda STEAM təhsilin inkişafının reallaşmasında fəaliyyət göstərən “Caravan of Knowledge” Fondu, “Chevron” şirkəti ilə birgə Təhsil Nazirliyinin dəstəyi ilə həyata keçirilib.

Mərasimdə “Chevron”un Avrasiya bölməsinin icraçı direktoru Derek Magness deyib ki, təmsil etdiyi qurum Qazaxıstanın ilk beynəlxalq enerji şirkətlərindən biridir: “30 ildən artıqdır ki, biz təkcə ölkənin neft-qaz sektorunun inkişafına sərmayə qoymuruq, həm də əsas resursumuzu – qazaxıstanlıların gənc nəslinin enerjisini inkişaf etdiririk, inanırıq ki, onların bu dünyanı elm vasitəsilə dərk etmək istəyi, ideyalar yaratmaq, yeni şeylər öyrənmək, öz təbiətini sevmək və onlara qayğı göstərmək bacarığı Qazaxıstanın çiçəklənməsinə töhfə verəcək. Sosial layihələrimiz insan kapitalının inkişafına, rifahın yüksəldilməsinə və ətraf mühitin qorunmasına yönəlib. PRO.NRG FEST-i dəstəkləməklə biz STEAM təhsili sahəsində ekosistemin necə formalaşdığını göstərmək istəyirik”.

“Biz əminik ki, qazaxıstanlıların gənc nəslini maarifləndirmək üçün belə festivallara ehtiyac var. PRO.NRGFEST ölkə gəncləri arasında elmə, yeni texnologiyalara və effektiv təhsil həllərinə marağı artırmağa imkan verən sübut edilmiş formatlardan biridir”, deyən Qazaxıstanın Təhsil Nazirliyinin Orta Təhsil Komitəsinin sədri Kanıbek Jumaşev bildirib ki, Festival gənc alimləri, elmi populyarlaşdıranları, Qazaxıstanın ən qabaqcıl təhsil təcrübələrini təbliğ edən yaradıcı müəllimləri bir araya toplayıb.

image-00006726 image-00006827 image-00007061 image-00007182 image-00007186

 

 

image-ads_728x90

  • whatsapp
  • messenger
  • telegram
  • vkontakte
  • odnoklassniki