Aşıq Namiqin seksual hərəkətlər etdiyi iddia olunan qadının şikayətinə baxılıb.
Bu barədə Alp.az-a Daxili İşlər Nazirliyinin mətbuat xidmətinin əməkdaşı, polis mayoru Anar Qafarov məlumat verib. O bildirib ki, hazırda araşdırmalar davam edir:
“İyulun 15-də, 1990-cı il təvəllüdlü bir xanım, Mirəli Qaşqay küçəsində “Köklə sazı” adlı ofisdə aşıq sənəti ilə məşğul olan Namiq Fərhad oğlu Hüseynovun ona qarşı seksual hərəkətlər etdiyini və döydüyünü DİN-in 102 xidmətinə zəng edərək bildirib. Həmin müraciət baxılması üçün ərazi üzrə Nəsimi rayon Polis İdarəsinin 21-ci Polis Bölməsinə göndərilib. N.Hüseynovun və şikayətçi qadın bölməyə dəvət olunaraq dindirilib. Hazırda araşdırmalar davam etdirilir”.
