“Azərbaycanın Qarabağda anti-terror əməliyyatı keçirməsi qaçılmazdır. Ermənilər onlarla yumşaq davrandıqca daha da azğınlaşır.”- Alp.az xəbər verir ki, bu fikirləri saytımıza açıqlamasında hərbi ekspert Ramil Məmmədli bildirib.
Hərbi ekspert hesab edir ki, Rusiya sülhməramlıları öz missiyalarını həyata keçirdə bilmir.
“İki gün öncə Suqovuşandan Kəlbəcərə hərəkət edən avtomobil karvanı qanunsuz erməni silahlı dəstələri tərəfindən atəşə məruz qalanda belə sülhməramlılar özlərini aciz göstərdilər. Bundan sonra Oktyabrın 14-də saat 18:15 radələrində qanunsuz erməni silahlı dəstələri tərəfindən açılan snayper atəşi nəticəsində Azərbaycan Ordusunun hərbi qulluqçusu əsgər Həmzəyev Əfqan Bəhram oğlu şəhid olur. Amma bu ana qədər Sülhməramlı kontigentin rəhbərliyi açıqlama verməyib. Bu onu göstərir ki, Rusiya artıq öz sülməramlı missiyasının öhdəsindən gələ bilmir. Biz neyləməliyik? Hesab edirəm ki, Anti-terror əməliyyatı qaçılmazdır, yoxsa ermənilər sülhməramlı missiyanın hərəkətsizliyindən istifadə edərək daha da qabağa getməyə calışacaq. Ona görə biz düşmənin arzuların elə ürəyindəcə məhv etməliyik. ” -deyə hərbi ekspert bildirib.
