Ukraynaya edilən hərbi yardımlar Almaniyanın demək olar ki, sursatsız qalmasına səbəb olub.
Alp.az-ın xəbərinə görə, bu iddia ilə Almaniyanın “Die Welt” nəşri çıxış edib.
Nəşr yazır ki, Almaniya Müdafiə Nazirliyinin anbarlarında saxlanılan mərmilərin böyük hissəsi Ukrayna ordusuna yardım məqsədilə adıçəkilən ölkəyə göndərilib.
“Almaniya hökumətinin Ukraynaya hərbi yardım göstərmək qərarı Bundesverin sursat ehtiyatlarına mənfi təsir göstərib. Çünki tədarüklər alman ordusunun ehtiyatından edilir. Almaniyanın hərbi sənayesi müəssisələri isə artıq Ukraynaya göndərilən sursat təlabatını təmin edə bilmir. Bu vəziyyət təkcə Almaniyaya deyil, Ukraynaya fəal şəkildə yardım göstərən digər Qərb ölkələrinə də aiddir. Ukraynadakı döyüşlər böyük sursat itkisinə səbəb olub və NATO ölkələrini qoşunlarını artırmağa sövq edib”.
