“Dünyada Azərbaycanı narahat edən müəyyən proseslər baş verir. Dövlətimiz qətiyyətlə təxribatların qarşısını alır”.
Alp.az-ın xəbərinə görə, bunu Milli Məclisin sədr müavini Adil Əliyev bildirib.
A.Əliyev qeyd edib ki, Azərbaycan dövləti diplomatik masadan da, döyüş meydanından da geri çəkilmir: “Biz qalib xalqıq. Müharibədə şəhidlər vermişik. Üzgün olsaq da, qürurluyuq. Hamı dərk edir ki, şəhidsiz müharibə, qələbə olmur. Şəhidlər müqəddəsdir, onlar ölkəmizin ərazi bütövlüyü uğrunda canlarından keçiblər. Bilməlidirlər ki, başda Ali Baş Komandan olmaqla, xalq şəhid ailələrinin yanındadır. Ola bilər, hansısa çatışmazlıqlar olsun, o da mərhələli şəkildə həll edilir. Şəhidlik zirvəzindən uca zirvə ola bilməz. Başımıza nə iş gələcəyini bilmirik, amma şəhidlər sorğusuz, “Sirat körpüsüz” Allahın dərgahındadırlar. Allah onları öz yanına götürüb. Çalışırıq ki, nəsə edək ki, bəlkə şəhidlərimiz bizim də günahlarımızın bağışlanmasında Allah qarşısında müraciətləri olsun. Şəhidə ən böyük dəyəri Allah verib. Əlimizdən gələni edirik ki, övladlarımız milli ruhda böyüsünlər”.
