Ac qarına heç də bütün içkiləri qəbul etmək olmaz.
Tibb elmləri doktoru, dietoloq-həkim Mixail Ginzburqun «Sputnik» radiosuna danışdığı kimi, ac mədəyə yalnız suyu məhdudiyyətsiz içmək olar, digər içkilərlə vəziyyət mürəkkəbdir.
Həkimin sözlərinə görə, sağlam mədəsi olan insanlara acqarına sudlə yaşıl çay, südlü kofe və süd məhsulları içmək zərər verməz. «Turş maye soyuqlamış mədənin selikli qişasına düşərkən ağrı əmələ gətirir, yeməkdən sonra isə selikli qişa daha etibarlı qorunur» – həkim izah edir.
Ancaq hətta mədə-bağırsaq traktı tam qaydasında olsa belə, yeməyə qədər şirələr, qazlı sular, kompotlar, şirin çay, alkoqol qəbul etmək məsləhət deyil.
Ginzburq qeyd edir ki, ac qarına içə biləcəyimiz bütün içkilər sürətlə sorulur. Əgər içki şirindirsə, o, qanda şəkərin səviyyəsini kəskin qaldırır. «Müasir şirələr mədəni çox qıcıqlandırmaqla bərabər, həm də şirin olurlar, üstəlik də indi tərəvəz şirələrinə də şəkər əlavə edirlər. Belə alınır ki, şirə – heç də faydalı içki deyil, xüsusilə də ac qarına qəbul edildikdə. Problem nədədir? Acqarına içdiyimiz içkilər çox tez bir zamanda bağırsaqlara «çatır» və orada sürətlə sorulmağa başlayır. Ona örə də tərkibində şəkər olan içkiləri (çay, kompot tipli) ac qarına içmək məsləhət bilinmir. Ac qarna alkoqol qəbulu ümumiyyətlə arzuolunan deyil: o, tez sorulur, qanda şəkər sürətlə sıçrayır və xoşagəlməz problem yaranır – maddələr mübadiləsi pozulur» – dietoloq qeyd edir.
