ABŞ Dövlət Departamenti vətəndaşlarını COVID-19 səbəbiylə Ermənistana getmək planlarını yenidən nəzərdən keçirməyə çağırıb.
Alp.az xəbər verir ki, Ağ Evin saytında yerləşdirilən açıqlamada Ermənistanın bəzi bölgələrində koronavirus riskinin artdığı qeyd olunub. Bildirilib ki, Ermənistanda koronavirus xəstəliyi riski yüksək üçüncü səviyyəyə qaldırılıb.
Dövlət Departamentinin açıqlamasında silahlı münaqişə səbəbi ilə Dağlıq Qarabağ bölgəsinə səfərlərdən imtina çağırışı da yer alıb.
“Təmas xəttinə yaxın yollardan və Ermənistanla Azərbaycan arasında beynəlxalq sərhəd yaxınlığındakı yollardan çəkinin. ABŞ hökuməti Dağlıq Qarabağdakı ABŞ vətəndaşlarına təcili yardım xidmətləri göstərə bilməz, çünki ABŞ dövlət işçilərinin oraya getmələri qadağandır”, – deyə ABŞ Dövlət Departamentinin açıqlamasında bildirilib.
