İqtisad elmləri doktoru, professor Fikrət Yusifovun rəhbərlik etdiyi “Ekonomiks” Beynəlxalq İqtisadi Araşdırmalar İctimai Birliyi ABŞ-da möhtəşəm tədbir keçirib.
İctimai Birlik Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “Şuşa İli” ilə bağlı keçirtdiyi qrant müsabiqəsinin qalibi kimi Şuşanı Amerika Birləşmiş Ştatlarının Kaliforniya ştatında təbliğ edib. Alp.az xəbər verir ki, bu barədə Fikrət Yusifov açıqlamasinda bildirib.
“Biz bir milyondan artıq erməninin yaşadığı bir məkanda Şuşanı təbliğ etmək seçimi etmişdik. Bunun nə qədər çətin ola biləcəyini əvvəlcədən bilsək də bu bizi qorxutmadı və dünən Kaliforniya Ştatının San-Fransisko şəhərində Şuşamızın adına layiq uğurlu bir tədbir keçirtdik. Bu tədbirdə maraqlı çıxışlarla yanaşı, Azərbaycaın Qarabağ bölgəsində və mədəniyyət beşiyimiz olan Şuşada erməni vandallarının 30 ilə yaxın bir dövrdə törətdikləri vəhşilikləri əks etdirən foto sərgi və Şuşanın tarixi haqqında təşkilatımızın çəkdirdiyi sənədli filmi də nümayiş etdirildi.” – deyə Fikrət Yusifov bildirib.
