Bir neçə gün əvvəl sabiq deputat Hüseynbala Mirələmovun sosial şəbəkələrdə qeyri-etik hərəkətlərinin əks olduğu videosu yayılıb. Həmin görüntülərin ADNSU-nun Elmi Şurasının onlayn iclası zamanı çəkildiyi deyilir.
Görüntülər yayıldıqdan sonra H.Mirələmov ADNSU-da kafedra müdiri vəzifəsindən azad edilib və pedagoji fəaliyyətinə xitam verilib. Əslində bu video, bir yazıçı, bir sabiq deputat, bir ağsaqqal adına utanc idi. Lakin Hüseynbala Mirələmov bu utanc hissini keçirmədiyi bəlli idi. Elə verdiyi açıqlama da bunu deməyə əsas verirdi. Yeni Azərbaycan Partiyasının 76 yaşlı “ağsaqqal”a hörmət edəcəyi, onu cəzalandırmayacağı güman edilirdi. Amma YAP “ağsaqqal”əfv etmədi. Hüseynbala Mirələmov Yeni Azərbaycan Partiyasının (YAP) üzvlüyündən xaric edildi.
O, eyni zamanda YAP-ın Xətai rayon təşkilatının sədri vəzifəsindən, eləcə də YAP Veteranlar Şurasının üzvlüyündən də azad edildi.
Bu yazımızda yazıçı və yaxud ictimai xadim çətiri altında , uzun illər ərzində çoxsaylı əmlak toplayan Hüseynbala Mirələmovun əmlaklarının siyahısını təqdim edirik.
Şıx çimərliyində yerləşən “1001 gecə” restoranını və yaxınlıqdakı “Delfin” istirahət mərkəzi
Bibiheybət ərazisində dəniz kənarında 36 villadan ibarət istirahət mərkəzi
Lənkəranda böyük istirahət mərkəzi
Bakıda “Nəsimi” metrosunun yaxınlığında 20 mərtəbəli bina(şirkətlərə icarəyə verilir)
Ən əsası isə Hüseynbala Mirələmovun Türkiyədə Bodrum şəhərində istirahət mərkəzi olduğu bildirilir.
Jurnalist Cavanşir Həsənlinin araşdırmasına görə, H.Mirələmov 16 ildir Panamada offşor şirkət idarə edir.
Onun direktoru və xəzinədarı (ispanca tesorero – şirkətin gəlir və xərclərinə nəzarət edən şəxs) olduğu RİMBA S.A. 2004-cü il fevralın 20-də Panamada 448783 saylı lisenziya ilə qeydiyyatdan keçib.
Şirkət tipi anonim cəmiyyətdir, statusu aktivdir (vigente), yəni hazırda fəaliyyətdədir.
Şirkətin digər direktoru mədəniyyət naziri Əbülfəz Qarayevdir.
2018-ci ildən isə Hüseynbala Mirələmovun oğlu Fərid Mirələmovun da adı direktorlar şurasına daxil edilib.
Sabiq deputatın başqa hansı ölkələrdə əmlakı var, bu haqda növbəti araşdırmamızda yazacayıq.
